Isaiah 43:2; Isaiah 43:16-19

Viewing Multiple Passages

2 cum transieris per aquas tecum ero et flumina non operient te cum ambulaveris in igne non conbureris et flamma non ardebit in te

The Latin Vulgate is in the public domain.

16 haec dicit Dominus qui dedit in mari viam et in aquis torrentibus semitam

17 qui eduxit quadrigam et equum agmen et robustum simul obdormierunt nec resurgent contriti sunt quasi linum et extincti sunt

18 ne memineritis priorum et antiqua ne intueamini

19 ecce ego facio nova et nunc orientur utique cognoscetis ea ponam in deserto viam et in invio flumina

The Latin Vulgate is in the public domain.