John 8:1-6

1 Iesus autem perrexit in montem Oliveti

2 et diluculo iterum venit in templum et omnis populus venit ad eum et sedens docebat eos

3 adducunt autem scribae et Pharisaei mulierem in adulterio deprehensam et statuerunt eam in medio

4 et dixerunt ei magister haec mulier modo deprehensa est in adulterio

5 in lege autem Moses mandavit nobis huiusmodi lapidare tu ergo quid dicis

6 haec autem dicebant temptantes eum ut possent accusare eum Iesus autem inclinans se deorsum digito scribebat in terra