Matthew 11:25-30

25 in illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulis
26 ita Pater quoniam sic fuit placitum ante te
27 omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare
28 venite ad me omnes qui laboratis et onerati estis et ego reficiam vos
29 tollite iugum meum super vos et discite a me quia mitis sum et humilis corde et invenietis requiem animabus vestris
30 iugum enim meum suave est et onus meum leve est

Images for Matthew 11:25-30

The Latin Vulgate is in the public domain.