Psalms 48:16-21

16 verumtamen Deus redimet animam meam de manu inferi cum acceperit me diapsalma
17 ne timueris cum dives factus fuerit homo et cum multiplicata fuerit gloria domus eius
18 quoniam cum interierit non sumet omnia neque descendet cum eo *pone; gloria eius
19 quia anima eius in vita ipsius benedicetur confitebitur tibi cum benefeceris ei
20 introibit usque in progenies patrum suorum usque in aeternum non videbit lumen
21 homo in honore cum esset non intellexit conparatus est iumentis %insipientibus; et similis factus est illis
The Latin Vulgate is in the public domain.