John 17:1-5

1 haec locutus est Iesus et sublevatis oculis in caelum dixit Pater venit hora clarifica Filium tuum ut Filius tuus clarificet te
2 sicut dedisti ei potestatem omnis carnis ut omne quod dedisti ei det eis vitam aeternam
3 haec est autem vita aeterna ut cognoscant te solum verum Deum et quem misisti Iesum Christum
4 ego te clarificavi super terram opus consummavi quod dedisti mihi ut faciam
5 et nunc clarifica me tu Pater apud temet ipsum claritatem quam habui priusquam mundus esset apud te
The Latin Vulgate is in the public domain.