6
et posuit milites in Damasco ut Syria quoque serviret sibi et offerret munera adiuvitque eum Dominus in cunctis ad quae perrexerat
7
tulit quoque David faretras aureas quas habuerant servi Adadezer et adtulit eas in Hierusalem
8
necnon de Thebath et Chun urbibus Adadezer aeris plurimum de quo fecit Salomon mare aeneum et columnas et vasa aenea
9
quod cum audisset Thou rex Emath percussisse videlicet David omnem exercitum Adadezer regis Suba
10
misit Aduram filium suum ad regem David ut postularet ab eo pacem et congratularetur ei eo quod expugnasset et percussisset Adadezer adversarius quippe Thou erat Adadezer