5
quod cum vidisset armiger eius videlicet mortuum esse Saul inruit etiam ipse in gladium suum et mortuus est
6
interiit ergo Saul et tres filii eius et omnis domus illius pariter concidit
7
quod cum vidissent viri Israhel qui habitabant in campestribus fugerunt et Saul ac filiis eius mortuis dereliquerunt urbes suas et huc illucque dispersi sunt veneruntque Philisthim et habitaverunt in eis
8
die igitur altero detrahentes Philisthim spolia caesorum invenerunt Saul et filios eius iacentes in monte Gelboe
9
cumque spoliassent eum et amputassent caput armisque nudassent miserunt in terram suam ut circumferretur et ostenderetur idolorum templis et populis
10
arma autem eius consecraverunt in fano dei sui et caput adfixerunt in templo Dagon
11
hoc cum audissent viri Iabesgalaad omnia scilicet quae Philisthim fecerunt super Saul
12
consurrexerunt singuli virorum fortium et tulerunt cadavera Saul et filiorum eius adtuleruntque ea in Iabes et sepelierunt ossa eorum subter quercum quae erat in Iabes et ieiunaverunt septem diebus
13
mortuus est ergo Saul propter iniquitates suas eo quod praevaricatus sit mandatum Domini quod praeceperat et non custodierit illud sed insuper etiam pythonissam consuluerit
14
nec speraverit in Domino propter quod et interfecit eum et transtulit regnum eius ad David filium Isai
This part, 1Ch 10:1-12 which gives an account of the last battle of Saul with the Philistines, and of his death and burial, is the same with 1Sa 31:1-13 see the notes there; the cause of his death follows in 1Ch 10:13.