1 Samuel 2:1-6

1 exultavit cor meum in Domino exaltatum est cornu meum in Domino dilatatum est os meum super inimicos meos quia laetata sum in salutari tuo
2 non est sanctus ut est Dominus neque enim est alius extra te et non est fortis sicut Deus noster
3 nolite multiplicare loqui sublimia gloriantes recedant vetera de ore vestro quoniam Deus scientiarum Dominus est et ipsi praeparantur cogitationes
4 arcus fortium superatus est et infirmi accincti sunt robore
5 saturati prius pro pane se locaverunt et famelici saturati sunt donec sterilis peperit plurimos et quae multos habebat filios infirmata est
6 Dominus mortificat et vivificat deducit ad infernum et reducit

Images for 1 Samuel 2:1-6

The Latin Vulgate is in the public domain.