Ben Sira 3:1-7

1 filii sapientiae ecclesia iustorum et natio illorum obaudientia et dilectio

2 iudicium patris audite filii dilecti et sic facite ut salvi sitis

3 Deus enim honoravit patrem in filiis et iudicium matris exquirens in filios

4 qui diligit Deum exorabit pro peccatis et continebit se ab illis in oratione dierum exaudietur

5 et sicut qui thesaurizat ita et qui honorificat matrem suam

6 qui honorat patrem iucundabitur in filiis

7 qui honorat patrem suum vita vivet longiore et qui obaudit patrem refrigerabit matri