Ephesians 3:12-21

12 in quo habemus fiduciam et accessum in confidentia per fidem eius
13 propter quod peto ne deficiatis in tribulationibus meis pro vobis quae est gloria vestra
14 huius rei gratia flecto genua mea ad Patrem Domini nostri Iesu Christi
15 ex quo omnis paternitas in caelis et in terra nominatur
16 ut det vobis secundum divitias gloriae suae virtute corroborari per Spiritum eius in interiore homine
17 habitare Christum per fidem in cordibus vestris in caritate radicati et fundati
18 ut possitis conprehendere cum omnibus sanctis quae sit latitudo et longitudo et sublimitas et profundum
19 scire etiam supereminentem scientiae caritatem Christi ut impleamini in omnem plenitudinem Dei
20 ei autem qui potens est omnia facere superabundanter quam petimus aut intellegimus secundum virtutem quae operatur in nobis
21 ipsi gloria in ecclesia et in Christo Iesu in omnes generationes saeculi saeculorum amen

Images for Ephesians 3:12-21

The Latin Vulgate is in the public domain.