Hebrews 10:14-24

14 una enim oblatione consummavit in sempiternum sanctificatos
15 contestatur autem nos et Spiritus Sanctus postquam enim dixit
16 hoc autem testamentum quod testabor ad illos post dies illos dicit Dominus dando leges meas in cordibus eorum et in mente eorum superscribam eas
17 et peccatorum et iniquitatium eorum iam non recordabor amplius
18 ubi autem horum remissio iam non oblatio pro peccato
19 habentes itaque fratres fiduciam in introitu sanctorum in sanguine Christi
20 quam initiavit nobis viam novam et viventem per velamen id est carnem suam
21 et sacerdotem magnum super domum Dei
22 accedamus cum vero corde in plenitudine fidei aspersi corda a conscientia mala et abluti corpus aqua munda
23 teneamus spei nostrae confessionem indeclinabilem fidelis enim est qui repromisit
24 et consideremus invicem in provocationem caritatis et bonorum operum

Images for Hebrews 10:14-24

The Latin Vulgate is in the public domain.