John 16:1-6

1 haec locutus sum vobis ut non scandalizemini

2 absque synagogis facient vos sed venit hora ut omnis qui interficit vos arbitretur obsequium se praestare Deo

3 et haec facient quia non noverunt Patrem neque me

4 sed haec locutus sum vobis ut cum venerit hora eorum reminiscamini quia ego dixi vobis

5 haec autem vobis ab initio non dixi quia vobiscum eram at nunc vado ad eum qui me misit et nemo ex vobis interrogat me quo vadis

6 sed quia haec locutus sum vobis tristitia implevit cor vestrum