Lamentations 3:24-34

24 HETH pars mea Dominus dixit anima mea propterea expectabo eum
25 TETH bonus est Dominus sperantibus in eum animae quaerenti illum
26 TETH bonum est praestolari cum silentio salutare Domini
27 TETH bonum est viro cum portaverit iugum ab adulescentia sua
28 IOTH sedebit solitarius et tacebit quia levavit super se
29 IOTH ponet in pulvere os suum si forte sit spes
30 IOTH dabit percutienti se maxillam saturabitur obprobriis
31 CAPH quia non repellet in sempiternum Dominus
32 CAPH quia si abiecit et miserebitur secundum multitudinem misericordiarum suarum
33 CAPH non enim humiliavit ex corde suo et abiecit filios hominis
34 LAMED ut contereret sub pedibus suis omnes vinctos terrae

Images for Lamentations 3:24-34

The Latin Vulgate is in the public domain.