Proverbs 25:1-7

1 haec quoque parabolae Salomonis quas transtulerunt viri Ezechiae regis Iuda

2 gloria Dei celare verbum et gloria regum investigare sermonem

3 caelum sursum et terra deorsum et cor regum inscrutabile

4 aufer robiginem de argento et egredietur vas purissimum

5 aufer impietatem de vultu regis et firmabitur iustitia thronus eius

6 ne gloriosus appareas coram rege et in loco magnorum ne steteris

7 melius est enim ut dicatur tibi ascende huc quam ut humilieris coram principe