Psalm 103:12-22

12 super ea volucres caeli habitabunt de medio petrarum dabunt vocem
13 rigans montes de superioribus suis de fructu operum tuorum satiabitur terra
14 producens faenum iumentis et herbam servituti hominum ut educas panem de terra
15 et vinum laetificat cor hominis ut exhilaret faciem in oleo et panis cor hominis confirmat
16 saturabuntur ligna campi et cedri Libani quas plantavit
17 illic passeres nidificabunt erodii domus dux est eorum
18 montes excelsi cervis petra refugium erinaciis
19 fecit lunam in tempora sol cognovit occasum suum
20 posuisti tenebras et facta est nox in ipsa pertransibunt omnes bestiae silvae
21 catuli leonum rugientes ut rapiant et quaerant a Deo escam sibi
22 ortus est sol et congregati sunt et in cubilibus suis conlocabuntur
California - Do Not Sell My Personal Information  California - CCPA Notice