Ben Sira 39:35-41

35 ignis grando famis et mors omnia haec ad vindictam creata sunt

36 bestiarum dentes et scorpii et serpentes et romphea vindicans in exterminium impios

37 in mandatis eius epulabuntur et super terram in necessitatem praeparabuntur et in temporibus suis non praeterient verbum

38 propterea ab initio confirmatus et consiliatus sum et cogitavi et in scripta dimisi

39 omnia opera Domini bona et omne opus hora sua subministrabit

40 non est dicere hoc illo nequius est omnia enim in tempore suo conprobabuntur

41 et nunc in omni corde et ore conlaudate et benedicite nomen Domini