18
et discumbentibus eis et manducantibus ait Iesus amen dico vobis quia unus ex vobis me tradet qui manducat mecum
19
at illi coeperunt contristari et dicere ei singillatim numquid ego
20
qui ait illis unus ex duodecim qui intinguit mecum in catino
21
et Filius quidem hominis vadit sicut scriptum est de eo vae autem homini illi per quem Filius hominis traditur bonum ei si non esset natus homo ille
22
et manducantibus illis accepit Iesus panem et benedicens fregit et dedit eis et ait sumite hoc est corpus meum
23
et accepto calice gratias agens dedit eis et biberunt ex illo omnes