25
tunc rescripsit rex Rathimo qui scribebat accedentia et Beltemo et Sabellio scribae et ceteris constitutis et inhabitantibus in Syriam et Foenicen et Samariam ea quae subiecta sunt:
26
legi epistulam quam misistis mihi. praecepi ergo inquiri et inventum est, quoniam civitas illa est ab aevo regibus resistens,
27
et homines refugae et proelia in ea efficientes, et reges fortissimi erant in Hierusalem dominantes et tributa exigentes a Coelensyria et Foenice.
28
nunc ergo praecepi prohibere homines illos aedificare civitatem et providere, ne quid ultra haec fiant,
29
sed nec procedant in plurimum ea quae sunt malitiae, ita ut regibus molestia inportetur.