36
et ut constitueret habitatores filios alienigenas in omnibus finibus eorum et sorte distribueret terram eorum
37
et rex adsumpsit partem exercitus residui et exivit ab Antiochia civitate regni sui anno centesimo et quadragesimo et septimo et transfretavit Eufraten flumen et perambulabat superiores regiones
38
et elegit Lysias Ptolomeum filium Dorimini et Nicanorem et Gorgiam viros potentes ex amicis regis
39
et misit cum eis quadraginta milia virorum et septem milia equitum ut venirent in terram Iuda et disperderent eam secundum verbum regis
40
et processerunt ut irent cum universa virtute sua et venerunt et adplicuerunt Ammaum in terra campestri