21
et exierunt quidam ex eis qui obsidebantur et adiunxerunt se illis aliqui ex impiis Israhel
22
et abierunt ad regem et dixerunt quousque non facies iudicium et vindicas fratres nostros
23
nos decrevimus servire patri tuo et ambulare in praeceptis eius et obsequi edictis eius
24
et filii populi nostri propter hoc abalienabantur se a nobis et quicumque inveniebantur ex nobis interficiebantur et hereditates nostrae diripiebantur
25
et non ad nos tantum extenderunt manum sed et in omnes fines nostros