23
nos decrevimus servire patri tuo et ambulare in praeceptis eius et obsequi edictis eius
24
et filii populi nostri propter hoc abalienabantur se a nobis et quicumque inveniebantur ex nobis interficiebantur et hereditates nostrae diripiebantur
25
et non ad nos tantum extenderunt manum sed et in omnes fines nostros
26
et ecce adplicuerunt hodie ad arcem in Hierusalem occupare eam et munitionem in Bethsuram munierunt
27
et nisi praeveneris eos velocius maiora quam haec facient nec poteris obtinere eos