27
noli satagere, cum venerit enim dies pressurae et angustiae, alii plorabunt et tristes erunt, tu autem hilaris et copiosa eris.
28
zelabunt gentes et nihil adversum te poterunt, dicit Dominus.
29
manus meae tegent te, ne filii tui gehennam videant.
30
iucundare, mater, cum filiis tuis, quia ego te eripiam, dicit Dominus.
31
filios tuos dormientes memorare, quoniam ego eos educam de latibulis terrae et misericordiam cum illis faciam, quoniam misericors sum, dicit Dominus omnipotens.