61
et non contristabor super multitudinem eorum qui perierunt, ipsi enim sunt qui vapori nunc adsimilati sunt et flammae ac fumo adaequati sunt et exarserunt et ferverunt et extincti sunt.
62
et respondi et dixi: o tu terra, quid peperisti? si sensus factus est de pulvere sicut et cetera creatura,
63
melius enim erat et ipsum pulverem non esse natum, ut non sensus inde fieret.
64
nunc autem nobiscum crescit sensus, et propter hoc torquemur, quoniam scientes perimus.
65
lugeat hominum genus et agrestes bestiae laetentur; lugeant omnes qui nati sunt, quadrupedia vero et pecora iucundentur.