25
filii patienter sustinete iram quae supervenit vobis persecutus est enim te inimicus tuus sed cito videbis perditionem ipsius et super cervices ipsius ascendes
26
delicati mei ambulaverunt vias asperas ducti sunt enim ut grex direptus ab inimicis
27
animaequiores estote filii et proclamate ad Deum erit enim memoria vestra ab eo qui ducit vos
28
sicut enim fuit sensus vester ut erraretis a Deo decies tantum iterum convertentes requiretis eum
29
qui enim induxit vobis mala ipse rursum adducet vobis sempiternam iucunditatem cum salute vestra