11
venio cito tene quod habes ut nemo accipiat coronam tuam
12
qui vicerit faciam illum columnam in templo Dei mei et foras non egredietur amplius et scribam super eum nomen Dei mei et nomen civitatis Dei mei novae Hierusalem quae descendit de caelo a Deo meo et nomen meum novum
13
qui habet aurem audiat quid Spiritus dicat ecclesiis
14
et angelo Laodiciae ecclesiae scribe haec dicit Amen testis fidelis et verus qui est principium creaturae Dei
15
scio opera tua quia neque frigidus es neque calidus utinam frigidus esses aut calidus