3
ipse aedificavit portam domus Domini Excelsam et in muro Ophel multa construxit
4
urbes quoque aedificavit in montibus Iuda et in saltibus castella et turres
5
ipse pugnavit contra regem filiorum Ammon et vicit eos dederuntque ei filii Ammon in tempore illo centum talenta argenti et decem milia choros tritici ac totidem choros hordei haec ei praebuerunt filii Ammon in anno secundo et tertio
6
corroboratusque est Ioatham eo quod direxisset vias suas coram Domino Deo suo
7
reliqua autem sermonum Ioatham et omnes pugnae eius et opera scripta sunt in libro regum Israhel et Iuda
8
viginti quinque annorum erat cum regnare coepisset et sedecim annis regnavit in Hierusalem
9
dormivitque Ioatham cum patribus suis et sepelierunt eum in civitate David et regnavit Achaz filius eius pro eo
This chapter treats of the reign of Jotham, which was a good one, 2Ch 27:1,2, of his buildings and wars, 2Ch 27:3-6, and of his death and burial, 2Ch 27:7-9.