Ben Sira 11:12-22

12 est homo marcidus egens recuperatione plus deficiens virtute et abundans paupertate

13 et oculus Dei respexit illum in bono et erexit illum ab humilitate ipsius et exaltavit caput eius et mirati sunt in illo multi et honoraverunt Deum

14 bona et mala vita et mors et paupertas et honestas a Deo sunt

15 []

16 []

17 datio Dei permanet iustis et profectus illius successus habebunt in aeternum

18 est qui locupletatur parce agendo et haec pars mercedis illius

19 in eo quod dicit inveni requiem mihi et nunc manducabo de bonis meis solus

20 et nescit quod tempus praetereat et relinquet omnia aliis

21 sta in testamento tuo et in illo conloquere et in opere mandatorum tuorum veteresce

22 ne manseris in operibus peccatorum fide autem in Deo et mane in loco tuo