Ben Sira 26:3-13

3 pars bona mulier bona in parte bona timentium Deum dabitur viro pro factis bonis

4 divitis autem et pauperis cor bonum in omni tempore vultus illorum hilaris

5 a tribus timuit cor meum et in quarto facies mea metuit

6 delatura civitatis et collectio populi

7 et calumniam mendacem super mortem omnia gravia

8 dolor cordis et luctus mulier zelotypa

9 in muliere infideli flagellum linguae omnibus communicans

10 sicut boum iugum quod movetur ita et mulierem nequam qui tenet illam quasi qui adprehendat scorpionem

11 mulier ebriosa ira magna et contumelia et turpitudo illius non contegetur

12 fornicatio mulieris in extollentia oculorum et in palpebris illius agnoscetur

13 in filia non avertente se firma custodiam ne inventa occasione utatur se