Ben Sira 31:35-42

35 vinum in iucunditate creatum est non in ebrietate ab initio

36 exultatio animae et cordis vinum moderate potatum

37 sanitas est et corpori et animae

38 vinum multum potatum inritationem et iram et ruinas multas facit

39 amaritudo animae vinum multum potatum

40 ebrietatis animositas inprudentis offensio minorans virtutem et faciens vulnera

41 in convivio vini non arguas proximum et non despicias eum in iucunditate illius

42 verba inproperii non dicas illi et non premas illum in repetendo