Ben Sira 36:21-28

21 fauces contingit cibum ferae et cor sensatum verba mendacia

22 cor pravum dabit tristitiam et homo peritus resistet illi

23 omnem masculum excipiet mulier et est filia melior filiae

24 species mulieris exhilarat faciem viri sui et super omnem concupiscentiam hominis superducit desiderium

25 si est lingua curationis et mitigationis misericordiae non est vir illius contra filios hominum

26 qui possidet mulierem inchoat possessionem adiutorium contra illum est et columna ut requies

27 ubi non est sepis diripietur possessio et ubi non est mulier gemescit egens

28 cui credit qui non habet nidum et deflectens ubicumque obscuraverit quasi succinctus latro exiliens de civitate in civitatem