Ben Sira 42:21-26

21 magnalia sapientiae suae decoravit qui est ante saeculum et usque in saeculum neque adiectum est

22 neque minuitur et non eget alicuius consilio

23 quam desiderabilia omnia opera eius et tamquam scintillam quam est considerare

24 omnia haec vivent et manent in saeculum et in omni necessitate omnia obaudiunt ei

25 omnia duplicia unum contra unum et non fecit quicquam deesse

26 uniuscuiusque confirmavit bona et quis satiabitur videns gloriam eius