Luke 19:1-7

1 et ingressus perambulabat Hiericho

2 et ecce vir nomine Zaccheus et hic erat princeps publicanorum et ipse dives

3 et quaerebat videre Iesum quis esset et non poterat prae turba quia statura pusillus erat

4 et praecurrens ascendit in arborem sycomorum ut videret illum quia inde erat transiturus

5 et cum venisset ad locum suspiciens Iesus vidit illum et dixit ad eum Zacchee festinans descende quia hodie in domo tua oportet me manere

6 et festinans descendit et excepit illum gaudens

7 et cum viderent omnes murmurabant dicentes quod ad hominem peccatorem devertisset