Proverbs 20:1-6

1 luxuriosa res vinum et tumultuosa ebrietas quicumque his delectatur non erit sapiens

2 sicut rugitus leonis ita terror regis qui provocat eum peccat in animam suam

3 honor est homini qui separat se a contentionibus omnes autem stulti miscentur contumeliis

4 propter frigus piger arare noluit mendicabit ergo aestate et non dabitur ei

5 sicut aqua profunda sic consilium in corde viri sed homo sapiens exhauriet illud

6 multi homines misericordes vocantur virum autem fidelem quis inveniet