Proverbs 20:25-30

25 ruina est hominis devorare sanctos et post vota tractare

26 dissipat impios rex sapiens et curvat super eos fornicem

27 lucerna Domini spiraculum hominis quae investigat omnia secreta ventris

28 misericordia et veritas custodiunt regem et roboratur clementia thronus eius

29 exultatio iuvenum fortitudo eorum et dignitas senum canities

30 livor vulneris absterget mala et plagae in secretioribus ventris