51
tu autem pro te intellege et de similibus tuis inquire gloriam.
52
vobis enim apertus est paradisus, plantata est arbor vitae, praeparatum est futurum tempus praeparata est abundantia, aedificata est civitas, probata est requies, perfecta est bonitas ante perfecta sapientia.
53
radix signata est a vobis, infirmitas extincta est a vobis et mors absconsa est, infernum fugit et corruptio in oblivionem.
54
transierunt dolores et ostensus est in finem thesaurus inmortalitatis.
55
noli ergo adicere inquirendo de multitudine eorum qui pereunt.