27
manu quidem pugnantes sed cordibus Dominum orantes prostraverunt non minus triginta milia praesentia Dei magnifice delectati
28
cumque cessassent et cum gaudio redirent cognoverunt Nicanorem ruisse cum armis suis
29
facto itaque clamore et perturbatione suscitata patria voce omnipotentem Dominum benedicebant
30
praecepit autem Iudas qui per omnia corpore et animo emori pro civibus paratus erat caput Nicanoris et manum cum umero abscisam Hierosolymam perferri
31
quo cum convenisset convocatis contribulibus et sacerdotibus ad altare arcersiit et eos qui in arce erant