Ben Sira 29:15-25

15 conclude elemosynam in corde pauperis et haec pro te exorabit ab omni malo

16 []

17 []

18 super scutum potentis et super lanceam adversus inimicum tuum pugnabit

19 vir bonus fidem facit proximo suo et qui perdiderit confusionem derelinquet sibi

20 gratiam fideiussoris ne obliviscaris dedit enim pro te animam suam

21 repromissorem fugit peccator et inmundus

22 bona repromissoris sibi adscribit peccator et ingratus sensu derelinquet liberantem se

23 vir repromittit de proximo suo et cum perdiderit reverentiam relinquetur ab eo

24 repromissio nequissima multos perdidit dirigentes et commovit illos quasi fluctus maris

25 viros potentes gyrans migrare fecit et vagati sunt in gentibus alienis