John 16:28-33

28 exivi a Patre et veni in mundum iterum relinquo mundum et vado ad Patrem

29 dicunt ei discipuli eius ecce nunc palam loqueris et proverbium nullum dicis

30 nunc scimus quia scis omnia et non opus est tibi ut quis te interroget in hoc credimus quia a Deo existi

31 respondit eis Iesus modo creditis

32 ecce venit hora et iam venit ut dispergamini unusquisque in propria et me solum relinquatis et non sum solus quia Pater mecum est

33 haec locutus sum vobis ut in me pacem habeatis in mundo pressuram habetis sed confidite ego vici mundum