14 tuum brachium cum potentia firmetur manus tua et exaltetur dextera tua
15 iustitia et iudicium praeparatio sedis tuae misericordia et veritas praecedent faciem tuam
16 beatus populus qui scit iubilationem Domine in lumine vultus tui ambulabunt
17 et in nomine tuo exultabunt tota die et in iustitia tua exaltabuntur
18 quoniam gloria virtutis eorum tu es et in beneplacito tuo exaltabitur cornu nostrum
19 quia Domini est adsumptio *nostra; et Sancti Israhel regis nostri
20 tunc locutus es in visione sanctis tuis et dixisti posui adiutorium in potentem exaltavi electum de plebe mea
21 inveni David servum meum in oleo sancto meo linui eum
22 manus enim mea auxiliabitur ei et brachium meum confirmabit eum
23 nihil proficiet inimicus in eo et filius iniquitatis non adponet nocere eum
24 et concidam a facie ipsius inimicos eius et odientes eum in fugam convertam