41
et exiit Ionathas obviam cum quadraginta milibus virorum electorum in proelium et venit Bethasan
42
et vidit Tryfon quia venit cum exercitu multo ut extenderet in eum manus et timuit
43
et excepit eum cum honore et commendavit eum omnibus amicis suis et dedit ei munera et praecepit exercitibus suis ut oboedirent ei sicut sibi
44
et dixit Ionathae ut quid vexasti universum populum cum bellum nobis non sit
45
et nunc remitte eos in domos suas elige autem tibi viros paucos qui tecum sint et veni mecum Ptolomaidam et tradam illam tibi et reliqua praesidia et exercitum et universos praepositos negotii et conversus abibo propterea enim veni