1
et exsurgens Ezras ab ante atrium templi, abiit in pastoforium Ionathae filii Nasibi.
2
et hospitatus illic, non gustavit panem nec aquam bibit, lugens super iniquitates multitudinis.
3
et facta est praedicatio in omni Iudaea et in Hierusalem omnibus qui erant ex captivitate congregari in Hierusalem
4
et quicumque non occurrerit biduo aut triduo diei secundum iudicium adsidentium seniorum, tollentur facultates eius, et ipse alienus iudicabitur a multitudine captivitatis.
5
et congregati sunt omnes qui erant ex tribu Iuda et Beniamin in tribus diebus in Hierusalem; hic mensis est nonus, vicesima mensis.