36
omnes isti coniunxerunt sibi uxores alienigenas, et dimiserunt eas cum filiis.
37
et inhabitaverunt sacerdotes et Levitae et qui erant ex Israhel in Hierusalem et in tota regione una novilunio mensis septimi, et erant filii Israhel in commorationibus suis.
38
et congregata est omnis multitudo simul in aream quae est ab oriente portae sacrae.
39
et dixerunt Ezrae pontifici et lectori, ut adferret legem Moysi quae tradita est a Domino Deo Israhel.
40
et adtulit Ezras pontifex legem omni multitudini eorum a viro usque ad mulierem et omnibus sacerdotibus, audire legem novilunio mensis septimi.