2
et ad Spartas et ad alia loca misit epistulas secundum eandem formam
3
et abierunt Romam et intraverunt in curiam et dixerunt Ionathas summus sacerdos et gens Iudaeorum miserunt nos ut renovetis amicitiam et societatem secundum pristinam
4
et dederunt illis epistulas ad ipsos per loca ut deducerent eos in terram Iuda cum pace
5
et hoc exemplum epistularum quas scripsit Ionathas Spartiatis
6
Ionathas summus sacerdos et seniores gentis et sacerdotes et reliquus populus Iudaeorum Spartiatis fratribus salutem