4
et dederunt illis epistulas ad ipsos per loca ut deducerent eos in terram Iuda cum pace
5
et hoc exemplum epistularum quas scripsit Ionathas Spartiatis
6
Ionathas summus sacerdos et seniores gentis et sacerdotes et reliquus populus Iudaeorum Spartiatis fratribus salutem
7
iam pridem missae erant epistulae ad Onian summum sacerdotem a Dario qui regnabat apud vos quoniam estis fratres nostri sicut rescriptum continet quod subiectum est
8
et suscepit Onias virum qui fuerat missus cum honore et accepit epistulas in quibus significabatur de societate et amicitia