66
multum enim melius est illis quam nobis. non enim sperant iudicium, nec enim sciunt cruciamenta nec salutem post mortem repromissam sibi.
67
nobis autem quid prodest, quoniam salvati salvabimur sed tormento tormentabimur?
68
omnes enim qui nati sunt commixti sunt iniquitatibus et pleni sunt peccatis et gravati delictis.
69
et si non essemus post mortem in iudicio venientes, melius fortassis nobis venisset.
70
et respondit ad me et dixit: et quando Altissimus faciens faciebat saeculum et Adam et omnes qui ex eo venerunt, primum praeparavit iudicium et quae sunt iudicii.