1
Simon autem praedictus pecuniarum et patriae delator male loquebatur de Onia tamquam ipse Heliodorum instigasset ad haec et ipse fuisset incentor malorum
2
provisoremque civitatis ac defensorem gentis suae et aemulatorem legis Dei audebat insidiatorem regni dicere
3
sed cum inimicitiae in tantum procederent ut etiam per quosdam Simonis necessarios homicidia fierent
4
considerans Onias periculum contentionis et Apollonium insanire utpote ducem Coelesyriae et Foenicis ad augendam malitiam Simonis ad regem se contulit
5
non ut civium accusator sed communem utilitatem apud semet ipsum universae multitudinis considerans