2 Maccabees 7:8

8 at ille respondens patria voce dixit non faciam propter quod et iste sequenti loco primi tormenta suscepit

2 Maccabees 7:8 In-Context

6 dicentes Dominus Deus aspiciat veritatem et consolabitur in nobis quemadmodum protestationem cantici declaravit Moses et in servis suis consolabitur
7 mortuo itaque primo illo hoc modo sequentem deducebant ad inludendum et cute capitis eius cum capillis detracta interrogabant si manducaret priusquam toto corpore per membra singula puniretur
8 at ille respondens patria voce dixit non faciam propter quod et iste sequenti loco primi tormenta suscepit
9 et in ultimo spiritu constitutus ait tu quidem scelestissime in praesenti vita nos perdis sed rex mundi defunctos nos pro suis legibus in aeternae vitae resurrectione suscitabit
10 post hunc tertius inludebatur et linguam postulatus cito protulit et manus constanter extendit
The Latin Vulgate is in the public domain.