16
Praecepitque ei rex, ut in aula palatii moraretur,datis ei pro delatione muneribus.
17
Aman vero filius Amadathi bugaeus erat gloriosissimus coram rege,et voluit nocere Mardochaeo, et populo eius pro duobus eunuchis regis,qui fuerant interfecti. Epistolae autem hoc exemplar fuit.
18
In diebus Assueri, qui regnavit ab India usque Aethiopiam super centum viginti septem provincias:
19
quando sedit in solio regni sui, Susan civitas regni eius exordium fuit.
20
Tertio igitur anno imperii sui fecit grande convivium cunctis principibus, et pueris suis, fortissimis Persarum, et Medorum inclytis, et praefectis provinciarum coram se,