27
cor suum dabit ad versandos sulcos et vigilia eius in sagina vaccarum
28
sic omnis faber et architectus qui noctem tamquam diem transigit qui sculpit signacula sculptilia et adsiduitas eius variat picturam cor suum dabit in similitudinem picturae et vigilia sua perficit opus
29
sic faber ferrarius sedens iuxta incudem et considerans opus ferri vapor ignis uret carnes eius et in calore fornacis concertatur
30
vox mallei innovabit aurem eius et contra similitudinem vasi oculi eius
31
cor suum dabit in consummationem operum et vigilia sua ornabit in consummatione