21
dedit illi in praeceptis suis potestatem in testamentis iudiciorum docere Iacob testimonia et in lege sua lucem dare Israhel
22
quia contra illum steterunt alieni et propter invidiam circumdederunt illum in deserto homines qui erant cum Dathan et Abiron et congregatio Chore in iracundiam
23
vidit Dominus Deus et non placuit illi et consumpti sunt in impetu iracundiae
24
fecit illis monstra et consumpsit eos in flamma ignis
25
et addidit Aaron gloriam et dedit illi hereditatem et primitias fructuum terrae divisit illi